Pages

Wednesday, March 30, 2016

Bilanggo

BILANGGO

Binura na ng panahon
Ang mga mukha sa gunita

Subalit di gumagaan
Ang nakadagan sa dibdib

Malabo na ang mga peklat
At wala na'ng mga pasa

Ngunit nanatiling sariwa
Ang dugo sa sahig

Hindi humihina ang mga sigaw
Na nakulong sa tainga

Kahit malayo na
Sa nagmumurang bunganga

Gabi-gabi, tumatakas ako sa hambalos
Ng takot . Lagi’t laging nahuhuli


Sa hindi pagkalimot.

Wala

Hindi ako malungkot. Hindi ako masaya.
Hindi ako natatakot o nakadarama
Ng pagkabalisa. Gusto ko lang matulog
Upang sa paggising ay muling pumikit
Kahit hindi inaantok; kahit walang gabi
Sa umaga. Hindi isang sangtuwaryo
Ang kuwartong ito, ngunit ayokong lumabas
At humarap sa mundo. Wala doon
Ang kailangan ko. Hindi ko alam
Kung ano ang nawawala o hahanapin.

Minsan, habang sa kumot
Ay nakabalot, natutuksong
Tuldukan ang pagkabagot
Sa isang hiwa
Sa may pulso,

Kung hindi lang mapurol
Ang nakatagong kutsilyo

Sunday, March 13, 2016

Pagkatapos



May multo ka nang bitbit sa bawat paglalakbay.

Ang tinatakasa’y kasamang na-eempake,
Nakasalansang maigi sa pagitan ng mga damit.

Sa uupahang kuwarto, aangkinin niya ang kalahati
Ng makitid na higaan at saka hihigang paharap sa iyo—
Palaging nasa harap, kahit talikuran mo.

Paglabas, dala-dala sa bawat hakbang
Ang mabigat niyang pangalan. Itapon man
Sa malayo’y ibinabalik lang ng kawalan;
Isang tipak na batong ipinupukol sa iyo.

Sa mga lugar na wala pa namang alaala
Ngunit may bahid na niya,
Kung saan ang bawat kasalubong ay suot ang kanyang mukha,
Itatanong sa sarili ang matagal nang nasagot:
Bakit ba ipinapasyal pa ang dapat ay nililimot?

Friday, March 4, 2016

Assessment

Someone caught me
smiling at myself in the mirror.

I feel great today, I told her
and she just smiled

mockingly at my tummy fat,
and looking down I swore

to never skip
skipping breakfast,
lunch,
or dinner again.

I want to believe my mom
when she worried about how thin
I am getting, but the whispers

on the street tell me otherwise.
Who knows what they're saying

about the fat girl who just passed by?

I looked at the girl
behind the glass,
who caught me smiling
at myself, and she isn't smiling
anymore and I think

she just realized
how much of herself

she has to lose
to feel whole.