Pages

Thursday, February 18, 2016

Mula sa Pampang


Hindi ko abot ang layo at lalim
Ng kaya mong languyin,
Kaya't tinatanaw lang kita
mula sa pampang.
At tanging dasal ang panlaban
Sa takot na baka di ka na magbalik
Baka tubuan ka ng kaliskis at buntot,
Mawili sa mundong di ko maaabot.

At kahit maaari
Akong matutong lumangoy din,
Baka di ko naman kayang mahalin
o kahit tiisin
Ang alat ng dagat.

No comments:

Post a Comment